prestaldizkaria

Santiren erokeria

In Prest! on Urtarrila 28, 2014 at 9:38 am

GRANDES CAMPEONES PELOTA 2 ed_MaquetaciÛn 1

Eskupilotaren inguruan jakin-min handia izan du beti Santi Agirre deustuarrak. Informazio bila hasi zenean oso argitalpen gutxi dagoela konturatu zen. Orduan erabaki zuen ikerketa abiaraztea, duela bi hile liburu bihurtu zena.

“Zoragarria” izan da Grandes campeones de la pelota mano (Ediciones Beta, 2013) liburuarekin gertatutakoa, “zentzu guztietan”, dio Santi Agirrek. Izan ere, bere lehen liburuaren bigarren edizioa agortzear dago. “Ezin hobeto irten da dena”, Gorputz Heziketako lizentziatu deustuarrarentzat. Bere ametsa bete du Santik. “Nik buruz buruko eskupilota txapeldunak ezagutu nahi nituen, beraiekin egon eta argazki bana egin”. Eta lortu du, bai, 1940an txapelketa ofizialki abiarazi zenetik, bizirik dauden 20 txapeldun handiak elkarrizketatzea (bost hilda daude) eta euren bizipenak lan txukun batean argitaratzea.

Barkua 2 bai miguel gallastegi 1497646_1378816745704139_223934147_n

Retegi II eta Ladis Galarzaren arteko norgehiagoka garaian pilotazaletu zen Santi Agirre. Etxean, bere aita ere oso zalea izan da betidanik. Aita bera izan du laguntzaile liburuaren “abentura ero honetan”. Biak ibili dira pilotariak bisitatzen eta pilotariak galdekatzen. Horregatik semeei bezala aitari ere eskaini nahi izan dio Santik liburua.

Barkua 2 bai 1476456_1380037625582051_1680474803_n

2011ko irailean ekin zion dokumentazio lanari Bizkaiko foru liburutegian. Lehenago ere asko irakurrita zegoen aspaldiko final eta pilotari handien inguruan. Duela 30, 40, 50, 60 urteko prentsa irakurrita “zein jende interesgarria, zergatik ez beraiekin hitz egin”, pentsatu zuen, eta saiatzea erabaki zuen. Lagun baten bitartez egin zuen lehen kontaktua Hilario Azkarate txapeldun bizkaitarrarekin (elkarrizketatu eta zortzi hilera hil zen). “Oso egun ederra” eman zuen Elorrion Azkaraterekin eta, lehen pauso hura eman eta gero, aurrera egin eta “txapeldun guztiekin” hitz egitea otu zitzaion.

Liburuaren ideia Juan Igancio Retegik (Retegi I) proposatu zion. Orduak hizketan eman eta gero “polita geratuko da liburu batean”, bota zion Santiri.

Batkua 2 bai 1467204_1380032582249222_115776684_n
Liburua kaleratzeko argitaletxea aurkitzea prozesu luzea izan da, urte erdikoa. Hamaika argitaletxetatik pasa zen eta denek gauza bera erantzun zioten: “Zein interesgarria, baina gaur egun ezinezko da, duela bost urte etorri izan bazina…”, harik eta Deustuko Ediciones Betara heldu zen arte. “Argitaletxe txikia dira, oso harreman estua sortu dugu; ezin pozago nago emaitzarekin”.

Barkau 2 bai 1472793_1380037832248697_1757126119_n

Errespetu handiz idatzi du Santik eskupilotako txapeldunei buruz. “Kirol txikia da eskupilota, oso gurea. Txapeldun denek oso ondo tratatu naute, harrituta utzi naute, eta hori ere islatu nahi nuen. Nire errespetua agertu nahi nien”.

Barkua 2 bai 1450073_1380033765582437_850970408_n

Orriak pasa eta pasa, 75 urtetan eskupilotak izan duen garapenaz ohartzen da  irakurlea. Hasi frontoien koloretik eta pilotarien uniformera edota eskuetako babesgarrietara, aurrerapena sekulakoa da. Erraz eta gustura irakurtzen dira txapeldunen anekdotak eta oroitzapenak. Irakurleren batek aitortu duenez, “hasi eta, nahi gabe, bukatu du liburua irakurtzen”.

Barkua 2 601178_555036444580185_1873800704_n

INFO + Grandes campeones de la pelota mano

INFO + Ediciones Beta

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

%d bloggers like this: