prestaldizkaria

ZEN musika jaialdia bigarrenez egingo dute Done Petri inguruko kaleetan

In Prest! on Urtarrila 24, 2014 at 10:48 am

ZEN 2-ONA ESPECIAL NORTE II LOGOA

Iaz izandako arrakasta ikusita, Zona Especial Norte (ZEN) izeneko ekimenak musikaz bustiko du aurten ere Ramon y Cajal eta Luzarra kaleetako ingurua. Hamasei talde baino gehiagok kalea, sortzaile eta ikusleen arteko topaleku bihurtuko dute.

ZEN izeneko ekimen musikala iaz estreinatu zen, lagun talde batek Deustuko goikaldeko kaleetan zerbait egin behar zela erabaki zuenean. Esperientzia oso ona izan zen, jende uholderik ez, baina anitza, eta giro paregabea lau egunez burutu ziren kontzertu guztietan. Eta aurten errepikatzea erabaki dute. Urtarrilaren 31an, ostiralean, hasiko dira lehenengo taldeak jotzen. Oraingoan ere, ez da eszenatokirik muntatuko, musikariak kalean bertan, Gazte Lokalean, Berbaizu euskara elkarteak kudeatzen duen Müllerrenea kultur topagunean edota tabernetan egongo dira jotzen.

cartel prest zona especial norte2

La hora del Primate, Inazio Escudero eta Villapellejos entzuteko parada izango dugu ostiralean. Larunbatean berriz, eguerdiko 12etatik hasita, Bugatti, Los Calavera, The Tripolares of Torre Madariaga, Aitor Temprano Band, Lorelei Green, Eneko kantautorea, Vietato Pensare eta RatZinger. Jaialdiaren azken egunean, igandean, Naste Borraste, El Tenderete titereak, Joseki, Long Jhon plays Lou Reed & Velvet Underground eta Giorgio and Luiggi.Gainera, asteburuan txalaparta doinuak eta Hegoaize taldearekin kalejiran joateko aukera egongo da.

Estilo eta gustu ezberdinetako musikariak biltzen saiatu dira antolatzaileak, izan ere, helburua, jendea kalera ateratzea da. Ohiko auzokideez gain, jende berria eta adin ezberdinetakoa erakarri nahi dute eta horregatik antolatu dituzte kontzertuak eguerdian, arratsaldez eta gauez. Iker Mugika antolatzaileak azaldu digunez, “Deustuko goikaldea berpiztu nahi dugu, kalea sortzaile eta ikusleen arteko topaleku bihurtuz”.

ZEN_2-zz793725_460871580632815_1394541047_o

Gauzak horrela, jaialdian hamasei taldetik gora parte hartuko dute, deustuarrak guztiak, eta beraien lana erakusteko gogo ikaragarria dutenak. Tabernariak ere gogotsu dabiltza. Toki Berri, Atxuri, Herriko Taberna, Baiona, Noiz, La Logia eta Izekik ateak irekiko dizkiete musikariei eta bertara hurbiltzen diren guztiei. Beraiek dira jaialdi hau antolatzeko dirua jarri duten bakarrak eta jendez lepo betetzea espero dute. Kontzertu gehienak egunez izanik, auzokideen ordutegia errespetatu nahi dute eta, aldi berean, egunez goikaldea bizirik ikusi nahi dutela aldarrikatu.

Krisiak, tabernen ordutegien murrizketak eta polizien presentziak gogor kolpatu dute Deustualdeko gune hau, eta egoerari buelta ematen saiatu dira azken urteotan auzokideak zein tabernariak. Lagun artean sortutako ZEN ekimenak beste urrats bat izan nahi du norabide horretan. Baietz lortu!

www.facebook.com/events/644354505628075

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

%d bloggers like this: